«Барселона» Эрик Гарсия билан қачон шартномани узайтиши маълум бўлди
Томонлар ўртасида тузилган амалдаги келишув жорий мавсум охирида якунга етади.
ФОТО: Getty Images
«Барселона» келаси ҳафта ҳимоячи Эрик Гарсия билан янги шартнома имзолайди. Бу ҳақда журналист ва инсайдер Фабрицио Романо ўзининг X ижтимоий тармоғидаги саҳифасида хабар берди.
Манбага кўра, футболчининг «блауграна» билан тузиладиган янги шартномаси беш йилга мўлжалланган бўлади. Ҳозирги битим эса 2026 йилнинг ёзигача амал қилади.
Гарсия «Барселона» сафида 2021 йилнинг ёзидан бери ўйнаб келмоқда. Шу вақт ичида у барча мусобақаларда 135 та ўйинда майдонга тушиб, етти гол ва олти голли узатма амалга оширган. Transfermarkt порталидаги маълумотларга кўра, футболчининг бозор қиймати 25 миллион евроға баҳоланмоқда.
Насрулло Каримов
Журналист
