«Барселона» энг кўп қизиқиш билдираётган икки ҳимоячи номи маълум бўлди
«Барселона» яқин тўрт-беш йил давомида жамоани кучайтириши мумкин бўлган марказий ҳимоячилар вариантларини кўриб чиқмоқда. Энг катта қизиқиш Йошко Гвардиол («Манчестер Сити») ва Алессандро Бастони («Интер»)га қаратилган, дея хабар беради Mundo Deportivo.
Манбага кўра, каталонияликлар уларни сотиб олишни жиддий ўйлаши мумкин, лекин аввал молиявий муаммоларини ҳал қилиши керак — бу ёзги трансфер ойнасида амалга ошиши эҳтимоли бор.
Гвардиол ва Бастонида «Барселона» марказий ҳимояда ҳам, чап қанотда ҳам ўйнай оладиган, тўпни назорат қила оладиган ва катта ўйинлар тажрибасига эга ҳимоячиларни кўрмоқда.
Ушбу футболчилар Андреас Кристенсен (шартнома 2026 йил ёзида тугайди) ва Роналд Араухо (психологик муаммоларга дуч келган) ўрнини босувчи вариант сифатида қаралмоқда.
