«Barselona» eng koʻp qiziqish bildirayotgan ikki himoyachi nomi maʼlum boʻldi
«Barselona» yaqin to‘rt-besh yil davomida jamoani kuchaytirishi mumkin bo‘lgan markaziy himoyachilar variantlarini ko‘rib chiqmoqda. Eng katta qiziqish Yoshko Gvardiol («Manchester Siti») va Alessandro Bastoni («Inter»)ga qaratilgan, deya xabar beradi Mundo Deportivo.
Manbaga ko‘ra, kataloniyaliklar ularni sotib olishni jiddiy o‘ylashi mumkin, lekin avvalo moliyaviy muammolarini hal qilishi kerak — bu yozgi transfer oynasida amalga oshishi ehtimoli bor.
Gvardiol va Bastonida «Barselona» markaziy himoyada ham, chap qanotda ham o‘ynay oladigan, to‘pni nazorat qila oladigan va katta o‘yinlar tajribasiga ega himoyachilarni ko‘rmoqda.
Ushbu futbolchilar Andreas Kristensen (shartnoma 2026 yil yozida tugaydi) va Ronald Arauxo (psixologik muammolarga duch kelgan) o‘rnini bosuvchi variant sifatida qaralmoqda.
