«Барселона» АҚШда «Вильярреал»га қарши ўйин орқали қанча даромад топиши маълум
Фото: Getty Images
"Барселона" Испания чемпионатининг АҚШда ўтказилиши режалаштирилган "Вильярреал"га қарши ўйиндаги иштироки учун қанча пул ишлаб олиши маълум бўлди. Бу ҳақда Sport.es хабар берди.
Манбага кўра, каталонияликлар 5-6 миллион евро атрофида даромадли бўлади. Шу билан бирга, "Вильярреал" учун уй учрашувини бошқа стадионга кўчириш бўйича харажатлари ортиши мумкинлиги хабар қилинган.
Эслатиб ўтамиз, аввалроқ Испания футбол федерацияси клубларга ушбу ўйинни Американинг Майами шаҳрига кўчиришга рухсат берган эди.
Баҳром Бобонов
Редактор
