«Барселона» Абдуқодир Ҳусановни ижарага олмоқчи
Футбол
Насрулло Каримов
Журналист
ФОТО: Getty Images
«Манчестер Сити»нинг ўзбекистонлик марказий ҳимоячиси Абдуқодир Ҳусанов фаолиятини «Барселона»да давом эттириши мумкин. Бу ҳақда Carpetasfcb хабар берди.
Манбага кўра, Каталония клуби ёзда ҳимоя чизиғини кучайтирмоқчи. «Барса» спорт директори Декунинг фикрича, Ҳусанов клубнинг келажакдаги лойиҳасига жуда мос келади. Ўзбекистонлик ҳимоячи жамоанинг ҳимоясини мустаҳкамлаши мумкинлиги айтилмоқда.
«Манчестер Сити» ушбу таклифга қандай муносабат билдиради, ҳозирча номаълум. «Барселона» сотиб олиш шарти билан уни ижарага олиш вариантини таклиф қилишни режалаштирмоқда.
Эслатиб ўтамиз, Абдуқодир Ҳусанов январда «Манчестер Сити» сафига келиб қўшилди. У «шаҳарликлар» сафида 9 та учрашувда майдонга тушиб, 1 гол муаллифига айланган.
