“Barselona” Abduqodir Husanovni ijaraga olmoqchi
“Manchester Siti”ning o‘zbekistonlik markaziy himoyachisi Abduqodir Husanov faoliyatini “Barselona”da davom ettirishi mumkin. Bu haqda Carpetasfcb xabar berdi.
Manbaga ko‘ra, Kataloniya klubi yozda himoya chizig‘ini kuchaytirmoqchi. “Barsa” sport direktori Dekuning fikricha, Husanov klubning kelajakdagi loyihasiga juda mos keladi. O‘zbekistonlik himoyachi jamoaning himoyasini mustahkamlashi mumkinligi ta’kidlanmoqda.
“Manchester Siti” ushbu taklifga qanday munosabat bildiradi, hozircha noma’lum. “Barselona” sotib olish sharti bilan uni ijaraga olish variantini taklif qilishni rejalashtirmoqda.
Eslatib o‘tamiz, Abduqodir Husanov yanvarda “Manchester Siti” safiga kelib qo‘shildi. U “shaharliklar” safida 9 ta uchrashuvda maydonga tushib, 1 gol muallifiga aylangan.
