«Байер» бош мураббийси мюнхенлик «Бавария»ни қувиб етиб олиш имкониятини баҳолади
Расм: gettyimages.com Хаби Алонсо
Германиянинг «Байер» клуби бош мураббийи Хаби Алонсо жамоасининг Бундеслига чемпионлиги учун курашдаги имкониятлари ҳақида фикр билдирди.
Германия Лигаси матбуот хизмати испаниялик мураббийнинг қуйидаги сўзларини келтиради:
«Агар математик нуқтаи назардан қарайдиган бўлсак, кураш ҳали тугамади. Аммо жорий мавсумда жуда кўп дуранглар қайд этдик, бу эса бизга «Бавария» билан бир хил даражада туришга халал бераяпти. Саккиз очколик фарқ — бу жуда катта».
30 тур натижаларига кўра, «Байер» иккинчи ўринни эгаллаб турибди ва пешқадам мюнхенлик «Бавария»дан саккиз очкога орқада. Германия чемпионатининг навбатдаги учрашувида «Байер» ўз майдонида «Аугсбург»ни қабул қилади. Ушбу ўйин шанба куни, 26 апрел санасида бўлиб ўтади.
Бакрадзе Иман
Редактор