«Байер» АҚШлик яримҳимоячи билан шартнома имзолади
Фото: Getty Images
"Байер" АҚШ терма жамоаси ярим ҳимоячисини ўз сафига қўшиб олди. Бу ҳақда клуб расмий сайти хабар берди.
Германия клуби 23 ёшли Малик Тиллман билан шартнома имзолади. Футболчи “доришунослар” билан битими 2030 йилнинг ёзига қадар мўлжалланган. Немис клуби хавбек учун ПСВга 35 млн евро товон пули тўлади.
Тиллман Нидерландия чемпионатининг ўтган мавсумида 26 та ўйинда майдонга тушиб, 12 та гол ва 2 та голли узатмага муаллифлик қилган. Унинг ҳисобида АҚШ терма жамоаси сафида 22 та ўйин бор.
Розикжон Султонмуродов
Журналист