\"Атлетико\" Баэна трансферини эълон қилди
Фото: Getty Images
Мадриднинг "Атлетико" клуби ўзининг расмий сайтида испаниялик ҳужумчи Алекс Баэна билан шартнома имзолаганини эълон қилди.
23 ёшли футболчи билан келишув 2030 йилнинг 30-июнига қадар амал қилади.
Журналист Фабрицио Романонинг хабар беришича, клублар 45+5 миллион евро эвазига трансфер бўйича келишиб олган.
Якунланган мавсумда Баэна 33 та ўйинда 7 та гол урди ва 10 та голли узатмани амалга оширди. Испания терма жамоаси таркибида Европа чемпионлигини қўлга киритган, шунингдек, Олимпиадада олтин медални қўлга киритган. "Атлетико" ўтган мавсумда Ла Лига турнир жадвалида учинчи ўринни эгаллади.
Розикжон Султонмуродов
Журналист
