\"Atletiko\" Baena transferini e'lon qildi
Photo: Getty Images
Madridning "Atletiko" klubi o'zining rasmiy saytida ispaniyalik hujumchi Aleks Baena bilan shartnoma imzolaganini rasman ma'lum qildi.
23 yoshli futbolchi bilan kelishuv 2030 yil 30-iyungacha amal qiladi.
Jurnalist Fabrizio Romano xabariga ko'ra, klublar transfer uchun 45+5 million yevro miqdorida kelishuvga erishgan.
Yakunlangan mavsumda Baena 33 ta o'yinda 7 ta gol urdi va 10 ta golli uzatmani amalga oshirdi. Ispaniya terma jamoasi tarkibida Evropa chempionligini, shuningdek, Olimpiadada oltin medalni qo'lga kiritgan. "Atletiko" o'tgan mavsum La Liga turnir jadvalida uchinchi o'rinni egalladi.
Roziqjon Sultonmurodov
Jurnalist
