«Aston Villa» клубининг 111 йиллик рекорди янгиланди
Англия Премьер-лигасининг 17-тури доирасида «Aston Villa» «Manchester United» устидан 2:1 ҳисобида ғалаба қозониб, клуб тарихидаги 111 йиллик ютуқни такрорлади. Бу ҳақда Opta Sports’нинг Telegram канали хабар бермоқда.
Манба маълумотларига кўра, Бирмингем клуби барча мусобақалар доирасида кетма-кет 10 та учрашувда ғалаба қозониб, 1914 йилдан буён илк бор шундай натижага эришди.
Аввалроқ «Aston Villa» Англия Премьер-лигасида «Bournemouth» (4:0), «Leeds United» (2:1), «Wolverhampton» (1:0), «Brighton and Hove Albion» (4:3), «Arsenal» (2:1) ва «West Ham United» (3:2) устидан зафар қучган. Европа Лигаси доирасида эса «Maccabi» Tel-Aviv (2:0), «Young Boys» (2:1) ҳамда «Basel» (2:1)га қарши баҳсларда ғалаба қайд этилган.
Айни пайтда «Aston Villa» АПЛ турнир жадвалида 36 очко билан учинчи ўринда бормоқда. Кейинки турда Унаи Эмери шогирдлари 27 декабр куни сафарда «Chelsea»га қарши майдонга тушади.
