Асланов: \"Бу сафаргиси дахшат бўлса керак\"
Англия чемпионлигини қўлга киритган "Ливерпул" клуби ҳақида Қаҳрамон Асланов қуйидагича фикрларни билдирди:
""Ливерпул" мухлисларини табриклайман. Слот жамоаси бутун мавсум ростанам чемпионликка лойиқ ўйин кўрсатишди. Англияда энг кўп гол уришди, энг кўп вазият яратишди, энг кўп зарба беришди, Муҳаммад Салоҳ гол+пассда 45 очко тўплаб, яқин таъқибчисидан 17 тага ўзиб кетди. Ажойиб мавсум.
Узоқ кутилган аввалги чемпионликни жамоа ковид туфайли кўнгилдагидек нишонлай олишмаганди. Бу сафаргиси дахшат бўлса керак.
Дарвоқе, "Ливерпул"га АПЛ кубоги бугун эмас, 38-турда, "Кристал Пэлас"га қарши ўйиндан кейин топширилади.
Франция ва Англия ҳал, Германияда "Бавария"га 1 очко кифоя қилади. Италия ва Испанияда кураш давом этади",-дея ёзади журналист ўзининг телеграм каналида
