Англия премьер-лигаси чемпионлигини қўлга киритган “Ливерпул” жамоаси бош мураббийи Арне Слот учрашувдан кейинги матбуот анжуманида иштирок этди:
"Жуда ҳам хурсандман. Айниқса, уддалаб бўлмайдигандек кўринган вазифани бажарсанг. Мухлислар эса нимага эришганимизни янада кўпроқ англатишди. “Ливерпул”га бош мураббий бўлиб янги келганимда, бундай буюк клубнинг бир қисми бўлганимдан фахрланган бўлсам, ҳозир эса титл билан клуб тарихининг бир қисми бўлганимдан ғурурланаман. Балки кулгули бўлиши мумкиндир, лекин уч ёки тўрт йил аввал бу нарсаларни орзу қилардим халос.
Бугун ҳиссиётларга берилган ягона вазиятим, стадионга ташриф буюрган пайтимизда мухлислар нимани англатишини ҳис қилганимда бўлди. Агар бугунги баҳсда очкони ҳал қила олмасак, бизда ҳали имкониятлар бор эди, лекин автобус ичида бундай атмосферада ютқазиш мумкин эмаслиги ҳақида гаплашдик. Ўйиндан олдин, ўйин давомида ва ўйиндан кейин мухлисларни даҳшатли қўллаб-қувватлаганини эътироф этиш керак.
Чемпионликни икки ёки уч стакан пиво билан нишонлайман. Адашмасам оила ва дўстлар билан ҳам кичик базм бўлишини айтишди",-дейди мутахассис
