“Арсенал” Уилям Салиба билан шартномани узайтириш борасида музокараларни бошлади
ФОТО: Getty Images
Лондоннинг “Арсенал” клуби спорт директори Андреа Берта марказий ҳимоячи Уилям Салиба вакиллари билан шартномани узайтириш масаласида музокара ўтказди. Бу ҳақда The Athletic нашри хабар бермоқда.
Манбага кўра, 24 ёшли футболчи “канончилар”даги мавқеида мамнун. Таъкидланишича, Салибага Мадриднинг “Реал” клуби қизиқиш билдирмоқда.
Маълумот учун, Салиба жорий мавсум барча турнирларда 49 та ўйинда майдонга тушиб, 2 та гол муаллифи бўлди. Унинг “Арсенал” билан тузган амалдаги шартномаси 2027 йилнинг ёзига қадар амал қилади.
Насрулло Каримов
Журналист
