Ҳарри Кейн «Бавария»нинг сентябр ойидаги энг яхши футболчиси деб топилди

«Бавария» ҳужумчиси Ҳарри Кейн клубнинг сентябр ойининг энг яхши футболчиси деб топилди. Бу ҳақда мюнхенликлар матбуот хизмати расман эълон қилди.

Манбага кўра, мухлислар ўртасида ўтказилган сўровномада инглиз форварди 54 фоиз овоз билан ғолиб чиқди.

Кейн ушбу ном учун курашда Майкл Олисе (12,1%) ва Луис Диасни (11,6%) ортда қолдирди.

Маълумот учун, англиялик ҳужумчи сентябр ойида жами 5 та ўйинда майдонга тушиб, 11 та гол урди ва 1 та голли узатмани амалга оширди. Шу тариқа, у ўтган ой давомида «гол+пас» тизимида 12 очко (11+1) тўплади.

Насрулло Каримов

Журналист