Ҳарри Кейн «Барселона»га ўтиши мумкинлиги ҳақидаги хабарларга изоҳ берди
Англиялик ҳужумчи ҳозирда «Бавария» шарафини ҳимоя қилмоқда.
ФОТО: Getty Images
Мюнхеннинг «Бавария» клуби ва Англия миллий жамоаси ҳужумчиси Ҳарри Кейн уни «Барселона» билан боғлаяптиган миш-мишларга изоҳ берди.
«Мен ҳеч ким билан алоқа қилмаганман, ҳеч ким менга мурожаат қилмаган. Ўз ҳолатимдан жуда мамнунман, гарчи биз ҳали «Бавария» билан келажагимни муҳокама қилмаган бўлсак ҳам. Шошилинч ҳеч нарса йўқ. Мен Мюнхенда жуда бахтлиман — бу ўйинимдан ҳам кўриниб турибди.
Агар алоқага чиқишса, кейин кўрамиз. Лекин ҳозир янги мавсум ҳақида ўйламаяпман. Олдинда — ёзги Жаҳон чемпионати. Бу мавсумдан кейин ҳам нимадир ўзгариши эҳтимолга унча эга эмас», — деди Кейн.
Маълумот учун, жорий мавсумда Кейн барча турнирлар доирасида 18 та ўйин ўтказиб, 24 та гол урди ва 3 та голли узатма амалга оширди.
Насрулло Каримов
Журналист
