АПЛ. Ҳусановсиз «Манчестер Сити» аутсайдерга қарши ўйинда очко йўқотди
Футбол
Насрулло Каримов
Журналист
ФОТО: Reuters
Англия Премьер-лигасининг 36-туридан ўрин олган баҳсда «Манчестер Сити» сафарда «Саутгемптон» меҳмони бўлди ва якунда томонлар нурсиз дурангга имзо чекди.
Ушбу ўйинда «шаҳарликлар» рақиб дарвозаси томон 26 марта зарба йўллади, бироқ уларнинг 5 тасигина манзилига аниқ етиб борди. «Саутгемптон» посбони эса барча зарбаларни бартараф этди.
Шу тариқа, «Манчестер Сити» ушбу ўйиндан сўнг ўз очколари ҳисобини 65 тага етказиб, АПЛ турнир жадвалида 3-ўринга кўтарилиб олди.
Маълумот учун, ушбу учрашувда Абдуқодир Ҳусанов қайдномага ҳам киритилмади.
