АПЛ. «МЮ» ўз майдонида «Брайтон»ни енгиб, тўртинчи ўринга кўтарилди
Англия Премьер-лигасининг 9-туридан ўрин олган баҳсда «Манчестер Юнайтед» ўз майдонида «Брайтон»ни қабул қилди ва якунда манчестерликлар 4:2 ҳисобида ғалаба қозонди.
Дастлаб 24-дақиқада Матеус Куня ҳисобни очди. 34-дақиқада Каземиро орадаги фарқни иккитага етказди. 61-дақиқада Брайан Мбемо жамоасининг учинчи голига муаллифлик қилди.
74-дақиқада эса Денни Уэлбек ҳисобни қисқартирди. 90+2-дақиқада Харакамбос Костулас меҳмонларнинг иккинчи голини урди, бироқ 90+7-дақиқада Мбемо дублни расмийлаштириб, учрашувга мантиқий нуқта қўйди.
Шу тариқа, «МЮ» ушбу ғалабадан сўнг ўз очколари ҳисобини 16 тага етказиб, онлайн турнир жадвалида 4-ўринга кўтарилиб олди. «Брайтон» эса 12 очко билан 12-ўринда бормоқда.
АПЛ. 9-тур
«Манчестер Юнайтед» — «Брайтон» 4:2
Голлар: Куня (24), Каземиро (34), Мбемо (61, 90+7) — Уэлбек (74), Костулас (90+2).
Манчестер Юнайтед — Ламменс, Далот, Йоро, Де Лигт, Шоу (Хевен, 65), Амад (Доргу, 70), Каземиро (Майну, 70), Фернандеш, Мбемо, Куня (Угарте, 81), Шешко.
Брайтон — Вербрюгген, Ван Хекке, Данк, Рюттер (Костулас, 79), Минте, Балеба (Милнер, 59), Уэлбек, Кадиўғли, Айяри (Гомес, 60), Виффер (Симас, 87), Де Кёйпер (Уотсон, 59).
