APL. «MYU» oʻz maydonida «Brayton»ni yengib, toʻrtinchi oʻringa koʻtarildi
Angliya Premyer-ligasining 9-turidan oʻrin olgan bahsda «Manchester Yunayted» oʻz maydonida «Brayton»ni qabul qildi va yakunda mankunianliklar 4:2 hisobida gʻalaba qozondi.
Dastlab 24-daqiqada Mateus Kunya hisobni ochdi. 34-daqiqada Kazemiro oradagi farqni ikkataga yetkazdi. 61-daqiqada Brayan Mbemo jamoasining uchinchi goliga mualliflik qildi.
74-daqiqada esa Denni Uelbek hisobni qisqartirdi. 90+2-daqiqada Xarakambos Kostulas mehmonlarning ikkinchi golini urdi, biroq 90+7-daqiqada Mbemo dublni rasmiylashtirib, uchrashuvga mantiqiy nuqta qoʻydi.
Shu tariqa, «MYU» ushbu gʻalabadan soʻng oʻz ochkolari hisobini 16 taga yetkazib, onlayn turnir jadvalida 4-o‘ringa koʻtarilib oldi. «Brayton» esa 12 ochko bilan 12-o‘rinda bormoqda.
APL. 9-tur
«Manchester Yunayted» — «Brayton» 4:2
Gollar: Kunya (24), Kazemiro (34), Mbemo (61, 90+7) — Uelbek (74), Kostulas (90+2).
Manchester Yunayted — Lammens, Dalot, Yoro, De Ligt, Shou (Heven, 65), Amad (Dorgu, 70), Kazemiro (Maynu, 70), Fernandesh, Mbeumo, Kunya (Ugarte, 81), Sheshko.
Brayton — Verbryuggen, Van Hekke, Dank, Ryutter (Kostulas, 79), Minteh, Baleba (Milner, 59), Uelbek, Kadio‘g‘li, Ayyari (Gomes, 60), Viffer (Simas, 87), De Kuyper (Uotson, 59).
