Андрей Лунин фаолиятини «Интер»да давом эттириши мумкин
Defense Central нашрининг хабарига кўра, «Интер» вакиллари Чемпионлар Лигаси гуруҳ босқичи 5-туридаги «Олимпиакос» – «Реал» (3:4) ўйинини кузатиб боришди. Уларнинг мақсади мадридликларнинг дарвозабони Андрей Лунин ижросини баҳолаш эди.
Манбага кўра, италиялик клуб кейинги мавсум учун дарвозабон қидиряпти, чунки 37 ёшли швейцариялик Ян Зоммер ўз ўйинлари билан танқид остида қолмоқда. Унинг амалдаги шартномаси 2026 йилнинг ёзигача амал қилади.
Шу сабабли «нерадзурри» трансфер бозоридаги вариантларни кўриб чиқмоқда ва уларнинг бири «Реал»нинг 26 ёшли украиналик дарвозабони Андрей Лунин ҳисобланади.
Лунин «Олимпиакос»га қарши ўйинда майдонга тушишини билган ҳолда, «Интер» вакили уни кузатиш учун стадионга йўлланган. Мақсад — футболчининг амалиёт етишмаслиги унинг ўйини сифатига таъсир қилмаганини текшириш.
Хабар қилинишига кўра, «Интер» украиналик дарвозабон учун келаси ёзда 10–12 миллион евро миқдорида таклиф бериши ва унга асосий таркибда майдонга тушиш кафолатини тақдим этиши мумкин.
