Анчелотти мавсум охирига қадар \"Реал\"ни тарк этмайди – манба
Фото: Getty Images
"Реал" бош мураббийи Карло Анчелотти мавсум охирига қадар жамоада қолади. Бу ҳақда журналист Эдуардо Бургос хабар бермоқда.
Манбага кўра, италиялик мутахассис мавсум якунига етганидан сўнг “Реал”ни тарк этади. Клублар ўртасидаги жаҳон чемпионатига бошқа бир мутахассис билан АҚШга йўл олади. Анчелотти эса Мадрид клубини тарк этиб, Бразилия миллий терма жамоасини бошқариши мумкинлиги ҳақида айтилмоқда.
Эслатиб ўтамиз, "Реал" Испания кубоги финалида "Барселона"га мағлуб бўлганди (2:3).
Розикжон Султонмуродов
Журналист
