«Ан-Наср» «Зенит» футболчиси Жерсонни сотиб олмоқчи
Саудияликлар Жерсон учун тахминан 30-35 миллион евро тўлашга тайёр.
ФОТО: Getty images
Саудия Арабистонининг "Ан-Наср" клуби "Зенит"нинг бразилиялик ярим ҳимоячиси Жерсон Сантосни сотиб олишни мақсад қилган. Бу ҳақда инсайдер Экрем Конур хабар берди.
Манбага кўра, жамоанинг португалиялик юлдузи Криштиану Роналду тўп тепаётган "Ан-Наср" Жерсон учун "Зенит"га тахминан 30-35 миллион евро тўлашга тайёр.
Питер клуби ҳам ўз футболчиси учун айнан шунча пул сўрамоқда. Хавбекка Бразилиянинг "Палмейрас" клуби ҳам қизиқиш билдирмоқда, аммо Саудия Арабистони жамоаси молиявий томондан қулайроқ шартларни таклиф қилмоқда.
Эслатиб ўтамиз, ўтган ёзда "Зенит" Жерсонни "Фламенго"дан 25 млн еврога сотиб олганди.
Розикжон Султонмуродов
Журналист