«Ан-Наср» Виссани сотиб олишга тайёр
Фото: Getty Images
“Брентфорд” ҳужумчиси Йоан Висса фаолиятини Саудия чемпионатида давом эттириши мумкин. Бу ҳақда L’Équipe хабар берди.
Манбага кўра, “Ан-Наср” клуби 28 ёшли конголик форвардни сотиб олмоқчи. Саудияликлар Виссанинг трансферига 50 миллион фунт тўлашга тайёр.
Қайд этилишича, бир неча ҳафта давомида "Ньюкасл", "Тоттенхэм" ва Саудия Арабистонининг "Неом" клублари лондонликлар билан келишувга эришиш учун алоқага чиққан. Бироқ, "асаларилар"нинг талаблари ҳозирча жуда юқори ҳисобланади.
Ўтган мавсумда Висса АПЛда 35 та ўйинда майдонга тушиб, 19 та гол урган.
Баҳром Бобонов
Редактор