Альварес «Барселона»га ўтишни яна истамоқда
Каталония клуби ҳам Хулианнинг трансферидан воз кечгани йўқ.
ФОТО: Getty images
Мадриднинг «Атлетико» клуби ҳужумчиси Хулиан Альварес қишки трансфер ойнасида «Барселона»га ўтишни хоҳламоқда.
«Кўк-анорранглар» ўтган ёзда аргентиналик ҳужумчини ўз сафига қўшиб олишга ҳаракат қилган эди. Альвареснинг ҳам бу трансферга хоҳиши борлигига қарамай, «Атлетико» музокаралар олиб боришни истамади.
Topskills Sports UK маълумотига кўра, 26 ёшли футболчи январь ойида «Барселона»га ўтиш ғоясини яна амалга оширишга уриниб кўрмоқчи. Ҳужумчи «Атлетико» мухлисларининг унга бўлган муносабатидан норози экани айтилмоқда.
Бироқ «Барселона» ҳужум чизиғини кучайтириш заруратини жиддий ҳис қилмаяпти. Бунга сабаб сифатида Рафиньянинг мавсум бошида ҳужумчи позициясида юқори даражада ўйин кўрсатаётгани келтирилмоқда.
