Alvares «Barselona»ga o‘tishni yana istamoqda
Madridning «Atletiko» klubi hujumchisi Xulian Alvares qishki transfer oynasida «Barselona»ga o‘tishni xohlamoqda.
«Ko‘k-anorranglar» o‘tgan yozda argentinalik hujumchini o‘z safiga qo‘shib olishga harakat qilgan edi. Alvaresning ham bu transferga xohishi borligiga qaramay, «Atletiko» muzokaralar olib borishni istamadi.
Topskills Sports UK ma’lumotiga ko‘ra, 26 yoshli futbolchi yanvar oyida «Barselona»ga o‘tish g‘oyasini yana amalga oshirishga urinib ko‘rmoqchi. Hujumchi «Atletiko» muxlislarining unga bo‘lgan munosabatidan norozi ekani aytilmoqda.
Biroq «Barselona» hujum chizig‘ini kuchaytirish zaruratini jiddiy his qilmayapti. Bunga sabab sifatida Rafinyaning mavsum boshida hujumchi pozitsiyasida yuqori darajada o‘yin ko‘rsatayotgani keltirilmoqda.
