Алонсо: «Таркибимизда Мбаппенинг борлиги — улкан омад»
Мадриднинг «Реал» клуби бош мураббийи Хаби Алонсо француз ҳужумчиси Килиан Мбаппе ва португалиялик афсона Криштиану Роналду ўртасида ўхшашликлар борлигини таъкидлади.
Мутахассис Мбаппенинг жамоа таркибидаги аҳамиятини баҳолаб, уларни бирлаштирувчи жиҳатларга алоҳида тўхталди.
«Килиан ҳам Криштиану сингари “Реал” тарихида ўз изини қолдириш сари интилаяпти. Унинг амбицияси, статистикаси… У танлаб олинган футболчилардан бири. У билан ҳар куни ишлаш — ҳақиқий завқ. Мбаппенинг бошқаларга таъсир кўрсатиш истаги, унинг юқтирувчи энергияси — айнан мана шу жиҳатлар уни Криштиануга яқинлаштиради. Мен уларнинг умумий томонларини шунда кўраман.
Криштиану — бу Криштиану, Килиан эса — Килиан. Иккаласи ҳам ажойиб футболчилар. Бизнинг таркибда Килиан борлиги — улкан омад. Унинг салоҳиятидан максимал даражада фойдаланишимиз керак», — дея Хаби Алонсонинг сўзларини келтиради AS.
