Алонсо Мбаппедан ташқари «Реал»нинг исталган футболчисини «Ювентус» юлдузи учун сотишга тайёр
Мадрид клуби ҳужум чизиғини мустаҳкамлашни мақсад қилган.
ФОТО: Getty Images
Мадриднинг «Реал» клуби «Ювентус» ҳужумчиси Кенан Йилдизга жиддий қизиқиш билдирмоқда. Бу ҳақда футболчининг агенти Жованни Бранкини Tuttomercatoweb нашрига берган интервьюсида маълум қилди.
Бранкинининг сўзларига кўра, «қироллик клуби» бош мураббийи Хаби Алонсо 20 ёшли вингерни жамоага олиб келиш учун Килиан Мбаппедан ташқари исталган футболчини сотишга тайёр.
Маълумот учун, Кенан Йилдиз жорий мавсум барча турнирларда 14 та ўйинда майдонга тушиб, 5 та гол урди ва 6 та голли узатмани амалга оширди. Унинг «Ювентус» билан тузган амалдаги шартномаси 2029 йилнинг ёзида якунига етади.
Transfermarkt портали маълумотларига кўра, футболчининг бозор қиймати 75 миллион евроға баҳоланмоқда.
Насрулло Каримов
Журналист
