Alonso «Yuventus» yulduzi uchun Mbappedan tashqari «Real»ning istalgan futbolchisini sotishga tayyor
Madrid klubi hujum chizigʻini mustahkamlashni maqsad qilgan.
FOTO: Getty Images
Madridning «Real» klubi «Yuventus» hujumchisi Kenan Yildizga jiddiy qiziqish bildirmoqda. Bu haqda futbolchining agenti Jovanni Branchini Tuttomercatoweb nashriga bergan intervyusida maʼlum qildi.
Branchining soʻzlariga koʻra, «qirollik klubi» bosh murabbiyi Xabi Alonso 20 yoshli vingerni jamoaga olib kelish uchun Kilian Mbappedan tashqari istalgan futbolchini sotishga tayyor.
Maʼlumot uchun, Kenan Yildiz joriy mavsum barcha turnirlarda 14 ta oʻyinda maydonga tushib, 5 ta gol urdi va 6 ta golli uzatmani amalga oshirdi. Uning «Yuventus» bilan tuzgan amaldagi shartnomasi 2029 yilning yozida yakuniga yetadi.
Transfermarkt portali maʼlumotlariga koʻra, futbolchining bozor qiymati 75 million yevroga baholanmoqda.
Nasrullo Karimov
Jurnalist
