Али Ашур: Ўйинчиларимдан хурсандман, 0:0 ҳисобидан хурсанд эмасман
“Ал Ҳалдия” - “Андижон (0:0)” ўртасидаги ўйиндан кейинги матбуот анжуманида мезбонлар бош мураббийи Али Ашур қатнашди.
- Натижа учун қаттиқ ҳаракат қилдинглар. Ўйин ҳақида нима дея оласиз?
- Авваламбор, биз уч очко олиш учун ҳаракат қилдик. Аммо ўйин 0:0 билан тугади. Бу “Андижон”нинг тўртинчи ўйини, гол ҳам урмаяпти, гол ҳам ўтказмаяпти. Биз қаттиқ ҳаракат қилдик. 100 фоиз кураш олиб бордик. Статистикага қарасангиз, 63 фоиз тўпга эгалик қилдик. 18 марта зарба бердик, 8 марта бурчакдан тўп узатдик. Ўйинни назорат қилдик. 3-4 марта тоза голли имкониятимиз бўлди, аммо фойдалана олмадик. Бизда пеналти тепишга ҳам сабаб бор эди. Бироқ ҳакамнинг қарори бошқача бўлди. Умуман олганда, ўйинчиларимдан хурсандман. Албатта, 0:0 ҳисобидан хурсанд эмасман.
- Андижонда ҳам 0:0 бўлган ва бу ерда ҳам шу ҳисоб қайд этилди. Сиз учун қайси ўйин қийинроқ ўтди?
- Албатта, Андижондаги учрашув энг қийини бўлганди. Чунки уларда имкониятлар кўпроқ бўлган, биз бунга йўл қўйиб бергандик. Хатоларимиз сабабли бир неча қарши ҳужумлар уюштиришди. Бугун футболчиларимга айтдимки, хато қилманглар ва рақибга имконият яратиб берманглар дедим. Бугунги ўйинда рақибда хавфли вазиятлар бўлганини эслай олмаяпман. Лекин Андижондаги ўйинда хатоларимиз туфайли уларда имконият бўлганди.
- Стадионда кўпроқ мухлисларни кутгандик. Аммо деярли бўш трибуналарни кўрдик. Ишқибозларсиз ўйнаш сизнинг учун зерикарли эмасми?
- Биласизми, бизнинг клубимиз 2020-йили ташкил топган. Бизда кичик мухлислар базаси бор. Бу нарса футболчилар оиласи учун муҳим. Эндигина фан клуб ташкил топганига 5 йил бўляпти. Бир неча йил ичида фан клуб кўпаяди. Ҳа, биз кўпроқ мухлис келишини кутгандик. Лекин энг муҳими, кичик бўлса-да, ишқибозлар бизни қўллаб-қувватлаб туришяпти.
