“Al-Ahli” Хавига расмий таклиф юборди
ФОТО: Getty Images
Каталониянинг “Барселона” клуби собиқ бош мураббийи Хави Эрнандес фаолиятини Саудия Арабистонида давом эттириши мумкин.
Footmercato нашрининг хабар беришича, 45 ёшли испаниялик мутахассисга “Al-Ahli”да расмий таклиф тушган.
Жамоани ҳозирда Матиас Жайссл бошқармоқда, бироқ “Al-Ahli” мавсум якунланганидан сўнг мураббийни ўзгартириш ҳақида ўйламоқда. Клуб Саудия Про-лигасида бешинчи ўринни эгаллаб, Осиё Чемпионлар Лигасида ғолиб бўлди.
Эслатиб ўтамиз, Хави 2021-йилдан 2024-йилгача “Барселона” бош мураббийи сифатида фаолият юритган.
Насрулло Каримов
Журналист