«Ал-Иттиҳод» бош мураббий Лоран Бланни истеъфога чиқарди
Франциялик мутахассис 2024 йилнинг июль ойидан бери жамоани бошқариб келаётганди.
ФОТО: Getty images
“Ал-Иттиҳод” клуби бош мураббий Лоран Блан билан шартномани бекор қилганини эълон қилди.
Жума куни Жидда клуби Саудия Арабистони чемпионати 4-турида Криштиану Роналду тўп тепадиган “Ан-Наср”га мағлуб бўлди. Натижада жамоада 3-ўринга тушиб кетди.
Эндиликда жамоани вақтинча бош мураббийи этиб Бланнинг ёрдамчиси Ҳассан Халифа тайинланди. Унга ёрдамчи сифатида ёшлар жамоаси мураббийи Иван Карраско иш олиб боради.
Франциялик собиқ футболчи “Ал-Иттиҳод”ни 2024 йил июль ойидан буён бошқариб келаётган эди. Бу вақт давомида Саудия Арабистони чемпионати ҳамда Қирол кубогида чемпионликни қўлга киритганди.
Розикжон Султонмуродов
Журналист