Акмал Рустамов: «Биз бу учрашувга яхши тайёргарлик кўрган эдик»
Суперлига 29-туридан ўрин олган «Нефтчи» – «Қизилқум» (4:1) баҳсидан сўнг навоийликлар бош мураббийи Акмал Рустамов матбуот анжуманида фикрлари билан ўртоқлашди.
"Биз бу учрашувга яхши тайёргарлик кўрган эдик. Аммо беллашувнинг бошида ўтказиб юборилган иккита тезкор голлардан кейин жамоа ўзига келиши озгина қийин бўлди. Лекин иккинчи бўлимда ўзгаришларимиз ўз ишини берди ва ҳисобни қисқартиришга эришдик.
«Нефтчи» жамоасининг урган учинчи голида футболчи тўпни қўли билан ўйнаган эди. Лекин урилган гол ҳисобга олинди. Ўша вазиятда ҳакам голни ҳисобга олмаганда баҳсдаги натижа бошқача кўринишда бўлиши мумкин эди.
Футболчиларимга майдонда борларини бериб ҳаракат қилгани учун раҳмат айтаман ва «Нефтчи» жамоасини чемпионлик билан табриклайман. Сўнгги турда ўз уйимизда «Шўртан» билан ўйнаймиз ва мазкур баҳсда чиройли ғалаба билан мавсумни якунламоқчимиз. Ҳа, яна бир нарса, бугун Навоийдан узоқ йўл босиб келган мухлисларимизга ўз миннатдорчилигимни билдираман", – деди Рустамов.
