Абдукодир Хусановнинг тўйидан илк видео эълон қилинди
Ўзбекистоннинг энг истиқболли футболчиларидан бири Абдукодир Хусановнинг тўй маросимидан илк видеоязув интернетда пайдо бўлди.
Аввалроқ, тантана 27 май куни Тошкентда ўтказилиши ҳақида хабарлар тарқалган эди. Видеодаги манзаралардан келиб чиқиб, тўй айнан шу куни бўлиб ўтаётгани тасдиқланади — лавҳаларда маросим ўтказилаётган жой аниқ кўринади. Ҳозирча Хусанов томонидан расмий изоҳ берилмаган.
Тўй ҳақидаги маълумотлар баҳор бошидаёқ пайдо бўлган ва ушбу хабар футбол мухлислари орасида катта муҳокамаларга сабаб бўлганди. Кўпчилик маросим АПЛ мавсуми якунланиши билан ўтказилиши режалаштирилганини таъкидлаган. Хусановнинг клубдаги келажагига доир турли тахминлар ҳам тарқалган — баъзилар тўйга “Манчестер Сити” вакиллари келиши мумкинлигини ҳам истисно қилмаганди.
Расмий суратлар ва изоҳлар ҳали эълон қилинмаган бўлса-да, тарқалган видеолар тўй ҳақиқатан ҳам бўлиб ўтганини тасдиқламоқда.
