Abduqodir Xusanovning to‘yidan ilk video e’lon qilindi
O‘zbekistonning eng istiqbolli futbolchilaridan biri Abduqodir Xusanovning to‘y marosimidan ilk videoyozuv internetda paydo bo‘ldi.
Avvalroq, tantana 27 may kuni Toshkentda o‘tkazilishi haqida xabarlar tarqalgan edi. Videodagi manzaralardan kelib chiqib, to‘y aynan shu kuni bo‘lib o‘tayotgani tasdiqlanadi — lavhalarda marosim o‘tkazilayotgan joy aniq ko‘rinadi. Hozircha Xusanov tomonidan rasmiy izoh berilmagan.
To‘y haqidagi ma’lumotlar bahor boshidayoq paydo bo‘lgan va ushbu xabar futbol muxlislari orasida katta muhokamalarga sabab bo‘lgandi. Ko‘pchilik marosim APL mavsumi yakunlanishi bilan o‘tkazilishi rejalashtirilganini ta’kidlagan. Xusanovning klubdagi kelajagiga doir turli taxminlar ham tarqalgan — ba’zilar to‘yga “Manchester City” vakillari kelishi mumkinligini ham istisno qilmagandi.
Rasmiy suratlar va izohlar hali e’lon qilinmagan bo‘lsa-da, tarqalgan videolar to‘y haqiqatan ham bo‘lib o‘tganini tasdiqlamoqda.
