Аббосбек Файзуллаев трансферига оид янги маълумотлар пайдо бўлди

Туркиянинг “Истанбул Башакшеҳир” клуби матбуот котиби Гохан Йилмаз Россиянинг Sport-Express нашрига берган интервьюсида жамоа ЦСКА футболчиси Аббосбек Файзуллаевга қизиқаяётгани ҳақидаги хабарларга муносабат билдирди.

Манбага кўра, Истанбул клуби ҳозирча Файзуллаевни сотиб олиш ҳақида ўйлагани йўқ:

“Мен жамоамиз скаутлари билан боғландим. Улар ҳозирча бу борада ҳеч қандай маълумот йўқ эканлигини билдиришди”, - дейди Йилмаз.

Маълумот учун, Аббосбек Файзуллаев ўтган мавсум ЦСКА сафида жами 39 та ўйинда майдонга тушиб, 3 та гол урди ва 8 та голли узатмани амалга оширди. Унинг Transfermarkt’даги нархи 8 миллион евроға баҳоланмоқда.

Насрулло Каримов

Журналист

0 0 0 0 0 0