А Серия. «Милан» ўз майдонида ютқазиб қўйиб, ЕЧЛ учун йўлланмадан қуруқ қолди
Аллегри жамоаси Европа лигасида иштирок этади.
ФОТО: Getty images
Италия А серияси
24.05.2026, Як.
Милан
1
Кальяри
2
Италия чемпионатининг 38-турида «Милан» клуби ўз майдонида «Кальяри»га кутилмаганда ютқазиб қўйди.
Учрашувда ҳисобни миланликлар ҳужумчиси Алексис Салемакерс очди — у ўйиннинг 2-дақиқасида гол урди. 20-дақиқада эса «Кальяри» форварди Женнаро Боррелли ҳисобни тенглаштирди. Иккинчи бўлимда, 57-дақиқада меҳмонлар ҳимоячиси Хуан Родригес ўз жамоасини олдинга олиб чиқди.
Италия чемпионатининг 38 та ўйинидан сўнг «Кальяри» 43 очко жамғариб, турнир жадвалида 14-ўринни эгаллади.
«Милан» эса 70 очко тўплаб, Чемпионлар лигаси йўлланмасидан маҳрум бўлди.
А Серия. 38-тур
“Милан” – “Кальяри” 1:2
Голлар: Салемакерс 2 – Боррелли 20, Родригес 57
Розикжон Султонмуродов
Журналист
