А Серия. Интер сўнгги турда Болоня билан дуранг ўйнади
Италия А сериясининг сўнгги 38-туридан ўрин олган Болоня ҳамда Интер баҳси бўлиб ўтди.
Голларга бой кечган қарама-қаршиликда 3:3 ҳисоби қайд этилди. Ўйиндаги ҳисобни 22-дақиқада миланликлар ҳимоячиси Димарко очди.
Орадан уч дақиқа ўтиб, «Болоня» ҳужумчиси Бернардески мувозанатни тиклади. 42-дақиқада яримҳимоячи Побега майдон эгаларини олдинга олиб чиқди. Иккинчи бўлимда, 48-дақиқада «Интер»дан Зелински тўпни ўз дарвозасига киритиб қўйди.
64-дақиқада меҳмонлар ҳужумчиси Эспозито жамоасининг учинчи голини урди. 87-дақиқада «қора-кўклар» яримҳимоячиси Анди Диуф ҳисобни тенглаштирди.
Шу тариқа, «Болоня» 38 та учрашувдан кейин 56 очко билан А Серия жадвалида саккизинчи ўринни эгаллади. Чемпионликни муддатидан аввал таъминлаган «Интер» эса 87 очко билан мавсумни якунлади.
А Серия. 38-тур
Болоня – Интер 3:3
Голлар: Димарко 22 (0:1), Бернардески 25 (1:1), Побега 42 (2:1), Зелински 48 (3:1, авто гол), Эспозито 64 (3:2), Диуф 87 (3:3).
Болоня: Скорупски, Жоау Мариу, Лукуми, Хеггем, Миранда, Фройлер, Моро, Бернардески, Фергюсон, Роу, Кастро.
Интер: Мартинес, Биссек, Ачерби, Бастони, Луис Энрике, Диуф, Сучич, Мхитарян, Кокки, Эспозито, Мартинес.
