2026/2027 йилги мавсум учун Ла Лиганинг янги тўпининг расмий сурати пайдо бўлди
Испания Ла Лигаси 2026/2027 йилги мавсумда фойдаланиладиган тўпнинг расмий суратларини эълон қилди.
Германиянинг Puma спорт кийимлари ва пойабзаллари ишлаб чиқарувчисининг янги тўпи STELLAR NITRO деб номланди.
«Ла Лига учун Puma'нинг янги расмий тўпини тақдим этамиз. Янги STELLAR NITRO тўпи замонавий футболнинг тезлиги ва шиддатига мос равишда ишлаб чиқилган», — дейилади Ла Лиганинг ижтимоий тармоқлардаги саҳифасидаги баёнотида.
Испания чемпионати якунларига кўра, турнир жадвалида биринчи ўринни муддатидан аввал «Барселона» эгаллади. Каталонияликлар 38 та ўйинда 94 очко жамғаришди. Мадриднинг «Реал» клуби 86 очко билан иккинчи ўринни эгаллади. Кучли учликни 72 очко жамғарган «Вильярреал» якунлаб берди.
Ла Лиганинг янги мавсуми 2026 йилнинг август ойида бошланади.
