Баҳодир Жалолов танқид остида — Ғарбда унинг фаолияти устидан кулишди
Польшалик супертяжеловес Камил Соколовский ўз фаолиятидаги энг кучли рақиб сифатида Баҳодир Жалоловни тилга олди. У 2022 йили ўзбекистонлик боксчидан техник нокаут орқали мағлуб бўлган ва ўша жангни рингдаги энг оғир синов деб атаган.
Бу баёнотга бокска бағишланган машҳур #RingsideFracas подкасти ўз муносабатини билдириб, Жалолов ва унинг жамоасини танқид қилди:
«Соколовский нима учун Жалоловни танлаганини тушунаман. Аммо ни Жалолов, ни унинг атрофидагилар профессионал боксни жиддий қабул қилаётгандек туюлмайди. Олимпиададан кейинги фаолиятлари — ҳақиқатан ҳам кулгули», — деб ёзилди подкастнинг расмий X-саҳифасида.
Эслатиб ўтамиз, Баҳодир Жалолов 2024 йилги Олимпиадада иккинчи бор олтин медал қўлга киритган. Аммо шундан сўнг у профессионал рингда фақат бир марта жанг қилган — жорий йил 5 апрел куни Остонада украиналик Игор Шевадзуцкийни ҳакамлар якдил қарори билан мағлуб этган.
«Катта ўзбек»нинг июл ойида АҚШдаги навбатдаги жанги ҳам режалаштирилган эди, бироқ рақибининг соғлиқ муаммолари сабаб бекор қилинди.
