\"Реал\" учун олти номзоднинг навбатдаги иккиси ҳақида. Сизнингча қайси бири амалга ошиши мумкин?
Шу кунларда матбуот томинидан Карло Анчелоттининг ўрнига бош мураббийлик учун турли-хил номзодларни сиздирилмоқда. "Реал" учун олти номзоднинг навбатдаги иккиси ҳақида маълумот бериб, мақоламни давом эттирмоқчиман. Сизнингча қайси бири амалга ошиши мумкин?
Юрген Клопп
Клопп тўққиз йиллик “Ливерпул”даги фаолияти давомида клуб музейини Англия премьер-лигаси ғолиблиги, Англия кубоги, икки марта Англия лига кубоги, чемпионлар лигаси, европа супер кубоги ва клублар ўртасидаги жаҳон чемпионати кубоги каби турли-хил совринлар билан тўлдириш орқали завқланиб яшади.
Эллик етти ёшли мутахассис 2023/24 йилги мавсумда “Энфилд”даги миссиясини тугатади ва кетишининг асосий сабабларидан бири сифатида чарчоқни, дам олишни хоҳлашини келтирганди. Ҳозирда у “Ред Булл”нинг глобал футбол бўлими бошлиғи бўлиб ишламоқда ва ўйин фалсафалари ва клублар тармоғида ривожланиш бўйича маслаҳатларни назорат қилмоқда.
Немис мутахассисининг немис клуби билан 2030 йилгача амал қиладиган шартномаси бор. Шундай бўлсада унга аниқ таклиф бўлса клубни тарк этишини таъкидлаган.
Испания матбуотининг тарқатишича “Мадрид” Клоппни яна бош мураббийликка қайтармоқчи, лекин унинг агенти Марк Косике бу миш-мишларни йўққа чиқарганга ўхшайди. “Юрген ҳозирги ишидан жуда ҳам мамнун. У бутун эътиборини ”Ред Булл"га қаратган",-дейди Клоппнинг агенти.
Зайниддин Зидан
Рафаель Бенитез истеъфога чиқарилгандан кейин, 2016 йил январда “Реал Мадрид” Зидани бош мураббий сифатида таништириб, мухлисларни кайфиятини кўтарган эди.
Қизиқарлиси шундаки, Франция терма жамоасининг собиқ футболчиси шу пайтгача катталар асосий жамоасини бошқаришда ҳеч қандай тажрибага эга эмас эди, фақатгина “Реал”нинг ёшлар жамоасига мураббийлик қилган эди халос.
Шундай бўлсада, Зайниддин Ла лига, Испания суперкубоги, уч марта чемпионлар лигаси кубоги, икки марта клублар ўртасидаги жаҳон чемпионати кубоги, икки марта европа суперкубоги каби совринларни 2018 йили клуб билан қайта шартнома имзолашидан аввал қўлга киритиб улгурганди.
Зидан ўн ойлик танаффусдан кейин 2019 йил мартда яна “Сантиаго Бернабео”га қайтиб келди ва ўша мавсумнинг ўзидаёқ Ла лига ва Испания суперкубогини қўлга киритди.
Эллик икки ёшли мутахассис 2020/21 йилги мавсум сўнгида “Мадрид”ни яна бир бор тарк этаётганда унга бир неча гранд терма жамоалар ва клублардан, хусусан “Бавария Мюнхен”дан ажойиб таклифлар бўлди.
Лекин, Испания матбуотининг таъкидлашича Зидан фақатгина “Реал Мадрид” ёки Франция терма жамоасида ишлаш ниятида халос. Франция терма жамоаси бош мураббийи Дидье Дешам 2026 йилги Жаҳон чемпионатидан кейингина ўз ўрнини бўшатиб беради. Шундай экан Зайниддин Зиданнинг учинчи марта “Сантиаго Бернабео”га қайтиш эҳтимоллиги йўқ эмас.
давоми бор…
