ЙЛ. Инглиз финали тарихдаги энг зўрими бўлади? Келинг, аввал ўтмишга саёҳат қиламиз

Мақолалар 10 май 2025 да 12:46

Photo: gettyimages

Голлар, драмалар, юлдузлар характери... Шу кунгача бўлиб ўтган 26 та УЕФА кубоги ҳамда Европа лигаси финалларининг энг ёдда қоларли бештасини эслашга нима дейсиз?

1998 йилдан бери УЕФА кубоги ҳамда Европа лигасининг бир ўйиндан иборат финаллари ҳозиргача 26 марта ўтказилган бўлса, шуларнинг ўн биттасида қўшимча таймлар ва еттитасида пенальтилар сериясини томоша қилганмиз.

1998 йил. “Лацио” 0:3 “Интер”

Париждаги “Парк де Пренс” ўйингоҳида бўлиб ўтган баҳсда Заморано 5, Занетти 60, Роналдо 70 дақиқаларда гол уришган.

“Рома”га қарши кечган 1991 йилги икки ўйиндан иборат финалнинг жавоб баҳсидаги ғалабаси орқали “Интер Милан” ўн йилликдаги ўзининг учинчи кубогини қўлга киритган эди. Хавьер Занеттининг саъй-ҳаракатларидан кейин Заморано ҳисобни очган эди. Худди шу жуфтлик иккинчи голни ҳам урган, бу сафар Занетти дарвозабонни жазолаган эди. 21 ёшли суперюлдуз Роналдо ҳам ўша оқшом ўз ҳисобига гол ёздириб қўйган эди. 0:3. "Ўшанда “Лацио”да ажойиб таркиб бор эди", – деб эслайди бразилиялик футболчи.

2001 йил. “Ливерпуль” 5:4 “Алавес”

Дортмунддаги “Вестфаленштадион” ўйингоҳида бўлиб ўтган драматик баҳсда Баббель 3, Жеррард 16, Макалистер 40 (пенальтидан), Фоулер 72, Гели 116 (автогол), Алонсо 26, Морено 47, 49, Кройф 88 дақиқаларда голлар уришган.

88-дақиқада Хосе Мануэл Эсналнинг “Алавес” жамоаси ҳисобни 4:4 кўринишига келтирди, аммо Жерар Улье шогирдлари учун кутилмаган манбадан нажот келди: Делфи Гели қўшимча вақтда ўз дарвозасига “олтин гол” киритиб, ҳаммасига нуқта қўйди.

2003 йил. “Селтик” 2:3 “Порту”

Севилья шаҳридаги “Олимпико” стадионида бўлиб ўтган ушбу финалда Ларссон 47, 57, Дерлей 45, 115, Аленичев 54 дақиқаларда учрашувдаги голларни уришган.

Жозе Моуриньо “Порту”ни бошқарган ва футболни нечалик қаттиқ севишига мисол бўла олган. УЕФА кубоги финаллари тарихида Дерлей номи кумуш гол урган ягона футболчи сифатида муҳрланган.

Асосий юлдуз ярим ҳимоячи Деко эди. У ўнг ва чап тарафлардан турли хил дриблингларни амалга ошириб, рақиб ҳимоясини қийнатиб ташлаган эди.

2007 йил. “Эспаньол” 2:2 “Севилья” (пенальтилар сериясида 3:1 ҳисобида “Севилья” ғолиб бўлган)

Глазговдаги “Ҳэмпден Парк” стадионида бўлиб ўтган ўйинда Риера 28, Жонатас 115, Адриано 18, Кануте 105 дақиқаларда гол уришган.

“Реал Мадрид”нинг 1985-86 йилги муваффақияти каби “Севилья” УЕФА кубогини ҳимоя қилди. “Эспаньол” дарвозабони Андрес Палоp финалдагӣ даҳшатли сейвлари билан ҳамманинг ёдида қолган эди.

2016 йил. “Ливерпуль” 1:3 “Севилья”

Базелдаги “Якоб-парк” стадионида бўлиб ўтган ўйинда Старридж 35, Гамейро 46, Коке 64 ва 70 дақиқаларда гол уришган.

“Севилья” бешинчи ва “Ливерпуль” тўртинчи кубогини мақсад қилиб тушган ушбу баҳсда Даниэл Старридж гол уриб “қизиллар”ни олдинга олиб чиққан эди, лекин Унаи Эмери шогирдлари аввало Гамейрониг голи эвазига ҳисобни тенглаштиради, кейин эса ўйин тугашидан олдин жамоа сардори Коке икки марта гол уриб учрашув масаласини ҳал қилади.

“Биз бу мусобақани севамиз, бу бизнинг турниримиз!”, – деб айтганди “Севилья” бош мураббийи Унаи Эмери ўша пайтда.

2025 йил. "Манчестер Юнайтед" – "Тоттенхэм"

Бу йилги финал ҳам аввалгиларига кам бўлмайди, агар улардан ҳам зўр бўлмаса! “Шпорлар” тарихда ҳеч қандай соврин юта олмагани, шу сабабли жамоадан кетган Англия терма жамоаси ҳужумчиси Харри Кейн ҳам “Бавария” билан кубок ютганини ҳисобга олсак, лондонликлар чемпион бўлиш учун борини бериб ҳаракат қилади.

Бошқа тарафдан “Манчестер Юнайтед”нинг “кома” ҳолатига тушиб қолгани ва бора-бора “юрак уриши тўхтаб бораётгандек” туюлишини кўришимиз мумкин. “Қизил иблислар”нинг яна “жонланиши” учун ягона йўл – Европа лигаси чемпиони бўлиш ва кейинги мавсум Чемпионлар лигасида иштирок этишни таъминлаш.