«Барселона» тарихидаги энг қиммат 10 трансфер
Каталониянинг «Барселона» клуби футбол тарихида энг катта маблағ сарфлаган жамоалардан бири ҳисобланади. Айниқса, Неймарнинг «ПСЖ»га рекорд даражадаги сотувидан кейин клуб бир неча юлдузларни жуда катта маблағ эвазига харид қилди. Бироқ бу трансферларнинг барчаси ҳам ўзини оқламади. Қуйида «кўк-анорранглилар» тарихидаги энг қиммат 10 харид ҳақида батафсил маълумот келтирамиз.
1. Филиппе Коутиньо
Трансфер йили: 2018
Қайси клубдан: «Ливерпуль»
Трансфер нархи: 135 млн евро
Неймар кетганидан кейин «Барселона» унинг ўрнини тўлдириш учун катта маблағ сарфлади ва Коутиньони клуб тарихидаги энг қиммат футболчига айлантирди. Бразилиялик дастлаб яхши ўйинлар кўрсатган бўлса-да, кейинчалик барқарорликни йўқотди. У ҳатто ижара асосида «Бавария»га ўтиб, Чемпионлар лигасида айнан «Барселона» дарвозасига икки гол урган. Кейинчалик «Астон Вилла»га сотилди. Бу трансфер клуб тарихидаги энг омадсиз харидлардан бири сифатида баҳоланади.
2. Усмон Дембеле
Йили: 2017
Клуби: «Боруссия Д»
Нархи: 135 млн евро
Неймарнинг кетишидан сўнг олиб келинган яна бир юлдуз. Дембеле жуда иқтидорли футболчи бўлганига қарамай, доимий жароҳатлар унинг тўлиқ очилишига тўсқинлик қилди. Шунга қарамай, у бир нечта Испания чемпионлиги ва бошқа совринларни қўлга киритишда иштирок этди. Кейинчалик эркин агент сифатида «ПСЖ»га ўтди.
3. Антуан Гризманн
Йили: 2019
Клуби: «Атлетико»
Нархи: 120 млн евро
Гризманн катта умидлар билан олиб келинган эди. Бироқ у Лионель Месси ва Луис Суарес билан биргаликда ўзининг энг яхши ўйинини намойиш эта олмади. Франциялик ҳужумчи икки мавсумдан кейин яна «Атлетико»га қайтди ва бу трансфер ҳам кутилган натижани бермади.
4. Неймар
Йили: 2013
Клуби: «Сантос»
Нархи: тахминан 88 млн евро
Бу трансфер атрофида кўплаб молиявий баҳслар бўлган. Аммо майдонда Неймар ўзини тўлиқ оқлади.
У Месси ва Суарес билан биргаликда машҳур MSN ҳужум учлигини ташкил қилди, Чемпионлар лигаси ва кўплаб совринларни ютди. Кейинчалик ПСЖ уни 222 млн евро эвазига сотиб олди ва бу ҳозиргача футбол тарихидаги энг қиммат трансфер ҳисобланади.
5. Френки де Йонг
Йили: 2019
Клуби: «Аякс»
Нархи: 86 млн евро
Нидерландиялик ярим ҳимоячи Европанинг энг иқтидорли футболчиларидан бири сифатида келган. У турли мураббийлар қўл остида ўйнади ва вақт ўтиши билан жамоанинг асосий футболчиларидан бирига айланди. Ушбу рўйхатдаги энг муваффақиятли трансферлардан бири сифатида баҳоланади.
6. Луис Суарес
Йили: 2014
Клуби: «Ливерпуль»
Нархи: 81,7 млн евро
Уругвайлик ҳужумчи «Барселона» тарихидаги энг яхши трансферлардан бири бўлди. У 198 та гол уриб, клуб билан Чемпионлар лигаси, Ла Лига ва бир қатор бошқа совринларни қўлга киритди. MSN учлигининг муҳим қисми сифатида тарихда қолди.
7. Энтони Гордон
Йили: 2026
Клуби: «Ньюкасл»
Нархи: 80 миллион евро
Каталония клуби англиялик вингер трансфери учун бонуслар билан биргаликда 80 миллион евро сарфлади. Агар Гордон «Барса» билан соврин ютадиган бўлса, «Ньюкасл» яна қўшимча 5 миллион евро бонусга эга бўлиши шартномада кўрсатилган. Шу тариқа, унинг келишуви кучли 7 ликдан жой олди.
8. Миралем Пьянич
Йили: 2020
Клуби: «Ювентус»
Нархи: 60 млн евро
Пьяничнинг трансфери асосан молиявий ҳисоб-китоблар билан боғлиқ бўлган келишув сифатида баҳоланади.
У «Барселона»да асосий таркибдан жой ола олмади ва қисқа вақт ичида бошқа клубларга ижарага берилди.
9. Рафинья
Йили: 2022
Клуби: «Лидс»
Нархи: 58 млн евро
Дастлабки икки мавсумда нотекис ўйин кўрсатган бўлса, кейинчалик жамоанинг етакчиларидан бирига айланди. Айниқса, Ҳанси Флик бошчилигида у юқори савиядаги футбол намойиш қилиб, Европанинг энг самарали қанот ҳужумчиларидан бирига айланди.
10. Ферран Торрес
Йили: 2022
Клуби: «Манчестер Сити»
Нархи: 55 млн евро
Ферран Торрес Хави давридаги биринчи йирик харид бўлди.
У турли позицияларда ҳаракат қила оладиган универсал футболчи сифатида жамоага катта фойда келтирди ва муҳим голлари билан бир неча учрашувларда натижа ҳал қилди.
