Humoyun Sultonov Rimdagi turnirning birinchi raqamli tennischisiga qarshi uch setlik murosasiz o‘yin o‘tkazdi

Italiya poytaxtida jami 54 000 AQSH dollari mukofot jamg‘armasiga ega bo‘lgan ATP Challenger turkumiga kiruvchi tennis turniri davom etmoqda. Musobaqaning asosiy turlarida O‘zbekistonning birinchi raketkasi Humoyun Sultonov ham ishtirok etdi.

Turnirning birinchi davrasida 26 yoshli Sultonov musobaqaning birinchi raqamli tennischisi — 20 yoshli litvalik Vilyus Gaubasga qarshi maydonga tushdi. Gaubas ATP reytingida 149-o‘rinni egallab turibdi. 2 soat 26 daqiqa davom etgan o‘yin natijasida litvalik tennischi 3:6, 6:4, 6:2 hisobida g‘alaba qozondi va musobaqaning 1/8 finaliga yo‘l oldi.

Ayni vaqtda Humoyun Sultonov jahon reytingida 224-o‘rinda turibdi va musobaqada juftlik bahslari orqali ishtirokini davom ettiradi.

Bakradze Iman

Redaktor