Inoue — Ahmadaliev jangi rasman e'lon qilindi
Professional boksning ikkinchi eng engil vazn toifasida mutlaq jahon chempioni hisoblangan Naoya Inoue navbatdagi jangini rasman tasdiqladi. Unga ko‘ra, 2025 yil 14 sentabr kuni Nagoya shahridagi IG Arenada Inoue o‘zbekistonlik Murodjon Ahmadalievga qarshi to‘rtta chempionlik kamarini (WBC, WBA, IBF, WBO) himoya qiladi. Ahmadaliev hozirda WBA Interim kamari sohibi hisoblanadi.
Naoya Inoue jang haqida quyidagicha izoh qoldirdi:
“2025 yil 14 sentabr kuni Nagoyadagi IG Arenada Murodjon Ahmadalievga qarshi chempionlik kamarlari himoyasini o‘tkazishni ma'qul topdik. Bu mening faoliyatimdagi eng jiddiy sinovlardan biri bo‘ladi. Ammo aynan shunday bahslar mening kuchimni namoyon etadi. Qolgan ikki oyda jiddiy tayyorgarlikni davom ettiraman va eng yaxshi natijalarni taqdim etaman. Meni qo‘llab-quvvatlang!”
Buyuk to‘qnashuvga sanalgan kunlar tobora kamaymoqda. Butun boks jamoatchiligi ushbu jangni katta qiziqish bilan kutmoqda.
