YeChL 4-turining eng yaxshi o‘yinchisi nomiga da’vogarlar ro‘yxati e’lon qilindi
4 futbolchi g‘oliblik uchun kurash olib boradi.
ФОТО: Getty images
UEFA rasmiy sayti Chempionlar Ligasi 4-turining eng yaxshi futbolchisi nomiga da’vogarlarni e’lon qildi.
Kuchli to‘rtlikdan Mikel Merino ("Arsenal"), Fil Foden ("Manchester Siti"), Karlush Forbes Borxes ("Bryugge") va Viktor Osimhen ("Galatasaray") joy oldi.
Merino Praganing "Slaviya" klubiga qarshi o‘yinda (3:0) dubl qayd etgan bo‘lsa, Foden Dortmundning "Borussiya" klubiga qarshi o‘yinda (4:1) ikki bor raqib darvozasini ishg‘ol qildi, Borxes "Barselona"ga qarshi bahsda (3:3) ikkita gol va assist qayd etdi, Viktor Osimhen esa het-trigi bilan "Ayaks"ni ranjitdi (3:0).
Keyingi tur o‘yinlari 25 va 26 noyabr kunlari bo‘lib o‘tadi.
Roziqjon Sultonmurodov
Jurnalist