Yamal: «Monjuik» yomon emas, lekin bu biz xohlagan muhit emas edi»

«Barselona» va Ispaniya milliy jamoasi hujumchisi Lamin Yamal jamoa uchun o‘z maydonida muxlislar qo‘llovi qanchalik muhimligini ta’kidladi.

«Muxlislarning ahamiyati juda katta. Biz o‘zimizniki bo‘lmagan stadionda o‘ynadik. «Monjuik» yomon emas, lekin bu biz xohlagan muhit emas edi. «Kamp Nou» esa jamoa uchun ulkan qo‘llab-quvvatlov bo‘ladi va mavsumning qolgan qismiga katta ta’sir ko‘rsatadi», — deya Yamalning so‘zlarini keltiradi Marca.

Maʼlumot uchun, Yamalning «Barselona» bilan amaldagi shartnomasi 2031 yil yozigacha amal qiladi. Transfermarkt ma’lumotiga ko‘ra, iste’dodli hujumchining bozor qiymati 200 million yevroni tashkil etadi.

Nasrullo Karimov

Jurnalist