Yamal La Ligada mavsumning eng yaxshi futbolchisi deb topildi
O‘tgan mavsumda u chempionatda 28 ta o‘yinda 16 ta gol urdi va 12 ta golli uzatmani amalga oshirdi.
ФОТО: Getty images
“Barselona” hujumchisi Lamin Yamal La Liga rasmiy sayti talqiniga ko‘ra, 2025-2026-yilgi Ispaniya chempionati mavsumining eng yaxshi futbolchisi deb topildi.
Yamal “Barselona” akademiyasi tarbiyalanuvchisi bo‘lib, 2023-yildan buyon asosiy jamoa safida to‘p surib kelmoqda. O‘tgan mavsumda u chempionatda 28 ta o‘yinda maydonga tushib, 16 ta gol urdi va 12 ta golli uzatmani amalga oshirdi.
Bu yil Yamal “Barselona” bilan Ispaniya chempionligini qo‘lga kiritdi. Shuningdek, u klub bilan yana ikki marta mamlakat chempionati, ikki marta Superkubok va bir marta Ispaniya Kubogida g‘olib chiqqan.
