Xavi MUni boshqarishga tayyor

“Barselona”ning sobiq bosh murabbiyi Xavi “Manchester United”da ishlashga tayyor. Bu haqda insayder Fabrizio Romano ijtimoiy tarmog‘i orqali xabar berdi.

Manbaga ko‘ra, mutaxassis “qizil iblislar”dan tushadigan takliflarga ochiq. Xavi Angliya Premer-ligasini yaqindan kuzatib keladi. “MU” Yevrokuboklarda ishtirok etmasa ham, uni boshqarishga tayyorligini ma’lum qilgan.

Xavining eng oxirgi ish joyi "Barselona" edi. Ispaniyalik futbolchi 2021-yilning noyabridan 2024-yilning iyunigacha “blaugrana”ni boshqargan.

Uning qo‘l ostida “blaugrana” 2022/2023-yilgi mavsumda Ispaniya chempioni bo‘ldi va Ispaniya Superkubogini qo‘lga kiritdi.

Roziqjon Sultonmurodov

Jurnalist