Xabi Alonso «Real»ga o'tishi haqidagi mish-mishlarga izoh berdi

Futbol 21 apr 2025 da 05:03

Germaniyaning «Bayer» klubi bosh murabbiyi Xabi Alonso Madridning «Real» jamoasiga ehtimoliy o'tishi haqida fikr bildirdi. Mutaxassis intervyusida tarqalayotgan mish-mishlarga jiddiy qaramayotganini ta'kidladi.

«Biz uchun bu gap-so'zlar ahamiyatsiz. Butun diqqat-e'tiborimizni mavsumning qolgan qismiga qaratganmiz. U hali yakunlanmaganini unutmaslik kerak.
Oldimizda chempionatda yana beshta o'yin bor va biz to'liq jamlangan holda harakat qilishimiz kerak», — dedi Alonso.

Uning qo'shimcha qilishicha, hozirda kelajak haqida gapirish o'rinsiz:
«Spekülatsiya, mish-mishlar yoki kelajak haqida gapirishni istamayman. Bu to'g'ri tayyorgarlikka halal beradi».

Avvalroq ommaviy axborot vositalarida Alonso vakillari «Real» rahbariyati bilan muzokaralar o'tkazgani haqida xabarlar tarqalgan edi. «Bayer» klubi rahbariyati mavsum yakunlangach, murabbiy jamoani tark etishi mumkinligini istisno qilmayapti. «Real» Chempionlar ligasi chorak finalida mag'lub bo'lganidan so'ng, ushbu mish-mishlar yanada kuchaydi.

Eslatib o'tamiz, madridliklarning hozirgi bosh murabbiyi — Karlo Anchelotti. Uning klubdagi kelajagi hozircha noma'lumligicha qolmoqda.