Xabi Alonso: Mbappe o‘ynashga tayyor

“Real” murabbiyi yulduz futbolchining sog‘ligi yaxshilanganini ma’lum qildi

Futbol 01 iyl 2025 da 02:34

Bakradze Iman

Redaktor

Rasm: gettyimages.com

Madridning “Real” jamoasi bosh murabbiyi Xabi Alonso Kylian Mbappening sog‘ligi haqida rasmiy ma’lumot berdi.

– Mbappe o‘zini ancha yaxshi his qilmoqda. U o‘yinga tayyor, – dedi Alonso Madrid Xtra nashriga.

Ma’lumki, 19 iyun kuni fransiyalik hujumchi o‘tkir gastroenterit tashxisi bilan shifoxonaga yotqizilgan edi. Ushbu kasallik tufayli futbolchi 4–5 kilogramm vazn yo‘qotgan. Og‘ir ahvolga qaramay, Mbappe 25 iyun kuni jamoa bilan umumiy mashg‘ulotlarga qaytdi.

Avvalroq, uning faqat mevalar bilan ovqatlanib, faqat suv ichgani xabar qilingandi. U 18 iyun kuni “Al-Hilol”ga qarshi (1:1) o‘yinni ham o‘tkazib yuborgan edi.

Endilikda u Klublar o‘rtasidagi Jahon chempionati 1/8 finalida “Yuventus”ga qarshi muhim bahsda ishtirok etishi mumkin.